انا دايما بقول خسارة السن دة ميتعلمش كل يوم جديد علي الأقل حاجة واحدة …
طيب ازاي اعلمه وهو لسة مفيش كلام مفيش استيعاب ؟؟
مش كل التعليم كتابة …
السن دة نطور فيه motor skills دة رقم واحد …
هتلاقيه بعد كدة طفل اذكي ،استيعابه احسن،مش هنعاني زي امهات كتير انه مش عارف يمسك القلم وهو ٣ سنين ..
(ومش قصدي يكتب لاني ضد كدة ،، قصدى يرسم يلون يشخبط يعبر عن اي حاجة من وجهة نظره)
السن دة عنده ادراك بصري عالي
هتلاقيه مش فاهم الوان مش عارف أسماءهم بس حاسس بتجانس بصري بين الحاجات اللي تشبه بعضها …
السن دة ممكن يتعلم sorting
هيتعلم منه المنطق ، التوازن ,ترتيب افكاره وحياته ،النظام …
السن دة بيفرح بنفسه جدا وبيصقف وبيعمل لنفسه برافو لما بيعمل حاجة مظبوطة …
السن دة نفسه طويل عن السن الاكبر وبيجرب مرة واتنين وتلاته..
السن ده فضولى بيعشق الاستكشاف وماوراء الأشياء…
فعلا ديما السعي معاه بيجيب نتيجه والشغل ده معاه ممتع مش مرهق ومجدي مش مضيعه للوقت.
كل حاجه هتعمليها دلوقتي هتكتشفي قيمتها بعدين لما يكبر شوية وتشوفيه وسط اصحابه سابق سنه ومختلف.
منقول
قسم صعوبات التعلم
هدى رياض
